Reparations

Abacitse ku icumu batewe inkeke n’uwabasambanyije ku ngufu muri Jenoside ubasiragiza mu nkiko

Abagore babiri bafatiwe ku ngufu ku Muhima mu Mujyi wa Kigali mu gihe cya Jenoside yakorewe Abatutsi, batewe inkeke n’umugabo witwa Irunga Silas bareze kubafata ku ngufu agakatirwa burundu y’uwihariko n’Inkiko Gacaca, ariko akaba akomeje gusaba kujuririra mu nkiko zisanzwe.

Umwe muri aba bagore w’imyaka 49 y’amavuko wavuganye na IGIHE ariko akaba adashaka ko amazina ye atangazwa, yagaragaje ko we na mugenzi we w’imyaka 46 bahangayikishejwe cyane n’uko Irunga akomeje kubasiragiza mu nkiko kandi yaraburanye akanajurira agakomeza gutsindwa, cyane ko atari ukubafata ku ngufu yari akurikiranweho gusa.

Aba bagore bemeza ko guhora bitaba ubutabera bibagiraho ingaruka kuko gusiragira mu nkiko biba bisaba ubushobozi n’igihe gihagije, kandi ibyo baburanaga na Irunga byarabonewe ibimenyetso bikaba ngombwa ko inkiko gacaca zang gukuraho igihano zamukatiye.

Avuga ko Irunga yatangiye gusaba kujuririra mu nkiko zisanzwe mu mwaka wa 2013, atanga ikirego mu Rukiko rw’Ibanze rwa Nyarugenge.

Byabaye ngombwa ko aba bagore (umwe atuye i Nyamirambo undi i Gikondo) bajya bitaba buri gihe Irunga yagiye mu rukiko gusaba ubujurire; bamaze kwitaba ishuro zisaga esheshatu.

Uyu mugore wavuganye na IGIHE yagize ati “Dutewe ikibazo no guhora dusiragira mu nkiko kuko bitera igihombo, kandi arashaka kujya mu nkiko ziranzwe; ikiduteye inkeke cyane ni uko inkiko zisaba ubushobozi kuko zitera igihombo.”

Aba bagore bafite izi mpungenge nyuma yo kuba barumvise ko Irunga ashobora kuba ari mu bazasohorwa mu rutonde rwa Minisiteri y’Ubutabera, bifuje kujuririra ibyaha bya Jenoside mu nkiko zisanzwe kuko iza gacaca zitagikora.

Kuri ubu amagarama y’urubanza mu nkiko zisanzwe yakubwe inshuro 12.5. Aba bagore bahanayikishijwe cyane ko n’igihombo bahuraga na cyo kigiye kwiyongera mu gihe nta bushobozi buhambaye basanzwe bafite. Benshi mu bafashwe ku ngufu mu gihe cya jenoside bagiye bagaragaza ko gusiragizwa mu nkiko bibaviramo ihungabana rikomeye bikanabatera guhorana ipfunwe mu bandi.  End

Inkuru ya Igihe.com sligtly edited here by Al.G

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s