Genocide fugitives

Urubanza rwa Senateri Nzirasanaho rwimuriwe mu 2014

 

nzirasanaho2

Senateri Nzirasanaho na avoka we/ifoto igihe.com

Urubanza Senateri Nzirasanaho Athanase aregwamo gukekwaho kugira uruhare muri Jenoside yakorewe Abatutsi, nyuma y’uko uyu munsi byari bitegerejwe ko humvwa amajwi yafashwe agaragaza ko ibyo aregwa ari akagambane, urukiko ndetse n’ubushinjacyaha bukagaragaza ko amajwi atumvikana neza, byemejwe ko ayo majwi agiye kongera kumvwa ku mashini z’abacamanza, bityo rwimurirwa mu kwezi kwa Mutarama 2014, ari na wo munsi biteganyijwe ko ruzapfundikirirwaho.

Kuri uyu wa kabiri tariki ya 24 Ukuboza 2014, Urukiko rwisumbuye rwa Nyarugenge rwakomeje kuburanisha urubanza Ubushinjacyaha buregamo Senateri Nzirasanaho Athanase ukekwaho kugira uruhare muri Jenoside yakorewe Abatutsi. Uyu munsi wari umwanya wo kumva amajwi yafashwe, bivugwa ko ari ikiganiro cyatanzwe n’umwe ngo waba ari mu mugambi wo kugereka kuri Senateri Nzirasanaho urupfu rwa Dr Gafaranga bari baturanye.

Uwagaragajwe ko yaba yaravuyemo abo Nzirasanaho avuga ko bamugerekaho ibyaha atakoze ni uwitwa Nsabimana Ignace, ngo wagiranaga ibiganiro na Niyimpaye Alexis, ubwo yabaga avuye mu nama bivugwa ko zagambaniraga Nzirasanaho. Uwo Nsabimana akaba yari umukozi wo kwa Karekezi aho Dr Gafaranga yari yihishe muri Jenoside ndetse akaba ari na ho yakuwe ajya kwicwa.

Senateri Nzirasanaho mu myiregurire ye avuga ko amajwi yafashwe ari ikimenyetso kindi cyunganira abatangabuhamya, akubiyemo ibyo Nsabimana Ignace yaganiriye inshuti ye Niyimpaye Alexis, ndetse yanivugiye ko ari we watanze Dr Gafaranga kubera gushaka imibereho, hanyuma akaba ari mu mugambi wo gushinja Senateri Nzirasanaho kubera imibereho. Akongeraho muri ayo majwi uwo Nsabimana yivugira ko yemerewe ishimwe ry’inzu.

Senateri Nzirasanaho akomeza avuga ko hari undi wari muri uwo mugambi nyuma akaza kubavamo, ari we Ntahondi Ezechiel wapfuye ariko hakaboneka inyandiko ishinja Nzirasanaho ngo yasize yanditse. Avuga kandi ko muri ayo majwi havugwamo uburyo hari abantu baguririwe bo mu Mataba mu karere ka Gakenke, bagombaga gushinja Nzirasanaho kugira uruhare muri Jenoside ngo batewe inkunga na Dusabemariya Madeleine na Munana, ngo ndetse bamugerekaho ko yakoranye n’abantu bo muri FDLR.

Akomeza avuga ko ibyo byose babihimbye kandi na Nsabimana Ignace yivugira ko yatanze Dr Gafaranga kubera imibereho ndetse no kumugerekaho icyaha abikora muri ubwo buryo, kuko ibyo avuga ari byo bamwigishije ategereje ibihembo. Anavuga ko uwafashe amajwi yitabye urukiko akemera ko ibyo biganiro byabayeho n’amajwi ari aye.

Ubushinjacyaha bwo buvuga ko ikimenyetso cy’amajwi yafashwe kitagomba kugira agaciro, kuko uwo cyitirirwa, Nsabimana Ignace, yahamagajwe akayumvishwa, akavuga ko ayo majwi atari aye, ndetse agatsemba akimara kuyumvishwa. Kuri iyi ngingo ariko Senateri Nzirasanaho avuga ko ntakuntu Nsabimana atari kwihakana ayo majwi kuko amushyira mu cyaha cyo kwicisha Dr Gafaranga.

Ikindi ubushinjacyaha bwakomeje buvuga ni uko ku rwego rw’amategeko, ikimenyetso kijyanye n’amajwi cyafashwe mu buryo butubahirije amategeko, nk’uko biteganywa n’ingingo za 124-127 z’itegeko ry’ibimenyetso, kandi ko kuba byarahinduwe bigashyirwa ahandi atari umwimerere, bityo icyo kimenyetso kigombye guteshwa agaciro. Bunongeraho ko bibaye ngombwa uvugwa ko amajwi ari aye yahamagazwa mu rukiko. Kuri iyi ngingo herekanwe Cassettes 25 z’umwimerere zafatiweho amajwi.

Ubushunjacyaha bwasabwe guhabwa umwanya wo kugira icyo buvuga kuri ayo majwi, kugira ngo hakorwe umwanzuro wanditse. Byemejwe ko uwo mwanzuro uzagezwa mu rukiko ku wa 10 Mutarama 2014 kandi uregwa na we agahabwa kopi yawo.

Urubanza rwimuriwe tariki ya 20 Mutarama 2014, ukazaba ari na wo munsi ruzasorwzwaho. Rwatangiye kuburanishwa ku wa 20 Werurwe 2013.

Umucamanza uyoboye imirimo y’iburanisha ni Macumu Francois Xavier, Senateri Nzirasanaho Athanase yunganirwa na Me Nsengiyumva Straton, na ho Ubushinjacyaha buhagarariwe na Ndibwami Rugambwa.

Agashya mu rukiko

Igihe urubanza rwari rutangiye, Me Kaburege Project uhagarariye inyungu za Nyirabenda Asterie umugore wa Dr Gafaranga, yagaragaye mu rubanza aregera indishyi. Urukiko rwamusabye gutegereza urubanza rukabanza rukarangira.

Igihe umushinjacyaha yari ahawe umwanya wo kugira icyo avuga, ku kuba ubushinjacyaha butungwa agatoki mu gukereza urubanza, ageze hagati yarogowe na telefoni ye bamuhamagaye, bimusaba guceceka abanza kuyizimya, abona gukomeza.

Inkuru ya Igihe.com

Related articles

  • Senator Nzirasanaho risks losing immunity

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s