Survivors welfare

Kirehe: Abarokotse Jenoside barasaba gusubizwa imitungo yabo bambuwe

bagize iri tsinda bavuga ko muri jenoside biciwe abavandimwe babo ndetse n’ababyeyi ngo barahunga bajyana n’imwe mu miryango yabo, aba ari na bo babarera babafasha kwiga kugeza bashoje amasomo yabo, dore abenshi muri bo bari bakiri bato mu gihe cya jenoside.

Nyuma ya jenoside yakorewe abatutsi mu 1994 ngo ntabwo babonye umwanya wo gukurikirana iyo mitungo yabo, ndetse nk’uko babigaragaza ngo bamwe muri bo bari bakiri bato kandi bahuze kubera amasomo.

JPEG - 240.6 kb
Bamwe mu barokotse bavuga ko imitungo yabo yahawe abandi baturage

Ubwo bagiraga igitekerezo cyo gukurikirana imitungo y’iwabo ngo bazaga umwe kuri umwe basanga imitungo yabo yarigaruriwe n’abandi, bagaragariza ubuyobozi icyo kibazo ntihagira igikorwa ngo gikemurwe.

Nibwo rero baje kwigira inama yo kwishyira hamwe uko ari 72 kugira ngo bakurikirane iki kibazo kugira ngo babe basubizwa imitungo yabo cyangwa bagahabwa ingurane.

Barasaba ubuvugizi bagasubizwa iyo mitungo

Ntaganda Jean Paul umwe muri bo avuga ko batunguwe no kugera ahari imitungo y’ababyeyi babo bagasanga harigaruriwe n’abandi.

Ati “Twagarutse kureba uko iwacu hameze dusanga imitungo yacu yarigaruriwe n’abandi baturage, tukaba dusaba ko twasubizwa imitungo yacu kugira ngo natwe tube twahakorera ibikorwa bitandukanye kuko ni ahacu.“

Cyomukama Clenia we avuga ko abenshi muri bo kugeza ubu bagicumbikiwe n’imiryango yabareze kuva nyuma ya Jenoside, bakaba bifuza ko bahabwa imitungo yabo cyangwa ingurane.

Ati “Tugomba kugira aho twisanga tukagira ‘address’ kuko ntabwo tuzahora tutagira aho kuba kandi ababyeyi bacu bari bafite ibikorwa muri uyu Murenge birimo amasambu ndetse n’amazu.”

Muzungu Gerard, Umuyobozi w’Akarere ka Kirehe, avuga ko iki kibazo bakizi, ariko ngo aba baturage aha bavuga ko hari amasambu yabo, barahavuye bamara igihe kirekire nta makuru y’aho baherereye ubuyobozi bufite, maze butanga iyo mitungo ku bandi banyarwanda batari bafite amasambu.

Yagize ati “Mu gihe cy’isaranganya leta yarebaga ubutaka budafite bene bwo cyangwa bigaragaraga ko budakoreshwa bugahabwa abandi baturage. Ni muri urwo rwego iyo mitungo yatanzwemo.”

Muzungu akomeza avuga ko iki kibazo kigoye ariko icyo barimo gukora ari ukureba niba aba baturage bavuga ko imitungo yabo yahawe abandi, nta handi hantu bafite leta yabahaye, bikazakorwa bahereye aho batuye ubu ndetse no gukusanya amakuru neza basanga badafite ahandi kandi ahabo haratanzwe ngo bakazashakirwa andi masambu.

N’ubwo ubuyobozi bw’aka Karere bubaha icyizere, bifuza ko byakorwa vuba kuko abenshi muri bo ubu bakirererwa mu miryango abandi bakaba bakodesha, bityo bakifuza kuhakorera ibikorwa bitandukanye bibyara inyungu ndetse no kuba bahubaka.

Besabesa M.Etienne

Categories: Survivors welfare

Tagged as: ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s