Reparations

ibuka logoIBUKA irasaba ko habaho umwanzuro uhamye ku bibazo by’abana b’imfubyi za Jenoside

Yanditswe kuya 6-09-2013 – Saa 10:18′ na Olivier Rubibi

Umuryango IBUKA uharanira inyungu z’Abarokotse Jenoside yakorewe Abatutsi, urasaba ko Leta yafata umwanzuro uhamye kugirango ikibazo cy’abana b’imfubyi za Jenoside, bambuwe imitungo y’ababyeyi babo, kirangire burundu.
Ibi umuryango wa IBUKA wabitangarije IGIHE, mu gihe bimaze kugaragara ko nyuma yaho Komisiyo yashyizweho na Minisitiri w’intebe, mu rwego rwo gushakira umuti ikibazo cy’imitungo y’abana b’imfubyi igerageje kugaragaza ibi bibazo, abenshi mu bigaruriye iyi mitungo bakaba baratangiye kugana inkiko.
Umuhuzabikorwa IBUKA Ahishakiye Naphtal, kuri telefone, yadutangarije ko igikorwa cyo kwinangira ku bantu bafite imitungo y’abana b’imfubyi za Jenoside, bakaba baranze kuyisubiza, biri mu bibangamira ubumwe n’ubwiyunge bw’Abanyarwanda.
Ahishakiye yagize ati “Kuba ufite umutima wo kwiyunga n’umuntu, ariko ukabona afite imitungo y’iwanyu wowe warabuze uko wigira ni imbogamizi.
Leta nikore uko ishoboye ishyireho icyemezo Politike, kandi bikorwe mu mucyo. Abantu bajye aho umuntu yamburiwe imitungo, babaze abahatuye, niba umwana ari uwo gusubizwa imitungo y’umuryango we, ayisubizwe nta zindi nzira biciyemo. Nibikorwe nk’uko abantu babigenje mu nkiko Gacaca, kandi byagenze neza.”
Ahishakiye yakomeje avuga ko gushora aba bana mu nkiko ari uburyo bwo kubananiza no kubaca integer. Ati “Tekereza kuba umuntu amaranye imitungo y’iwanyu imyaka 19, yarangiza akajya mu rukiko ! Hari imanza zishobora kumara n’imyaka 10. Iki kibazo ni Letayonyine ikwiye gufata umwanzuro uhamye kikarangira.”
Minisitiri w’intebe yashyizeho Komisiyo ishinzwe gukurikirana ibibazo by’abana b’imfubyi za Jenoside bambuwe imitungo yabo mu ntangiriro z’uyu mwaka, ikaba yarongerewe igihe kubera ko icyo yari yahawe cyageze hamaze gukemurwa ibibazo 300 mu 1200 byari byagaragaye. Ibi bisobanuye ko hakemutse ¼ mu bibazo by’imitungo byugarije abana b’imfubyi za Jenoside yakorewe Abatutsi mu 1994.
rubibi@igihe.rw

Categories: Reparations

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s